Buyuk Britaniyada Samsung kompaniyasining yangi Samsung Galaxy Z Fold 7 smartfoni 260 dollarga arzonladi. Bu haqda Sammobile nashri xabar bermoqda.
Endi 256 GB xotirali model £1 599 (taxminan $2 000) turadi. 512 GB versiya £1 699 (taxminan $2 130) ga tushdi. Eng yuqori 1 TB va 16 GB operativ xotirali model esa £1 949 (taxminan $2 450) bo‘ldi. Bundan tashqari, Samsung trade-in dasturi orqali xaridorlar yana £30 dan £682 gacha (taxminan $40–$860) chegirma olishlari mumkin.
Kompaniya qo‘shimcha aksiyalarni ham taklif qilmoqda. Galaxy Buds va soatlarda 10 foiz chegirma bor. Aksessuarlar esa 30 foizgacha arzonlashgan. Talabalar, o‘qituvchilar va yoshlar uchun yana £159 (taxminan $200) qo‘shimcha chegirma beriladi.
Qaynoq24.uz Samsung Galaxy S26 Ultra smartfoni haqida yozgan edi.
