20-may kuni O‘zbekistonning aksariyat hududlarida havo o‘zgaruvchan bo‘ladi. Ayrim joylarda qisqa muddatli yomg‘ir yog‘ishi va momaqaldiroq kuzatilishi mumkin.
Toshkent shahrida kunning ikkinchi yarmida biroz qisqa muddatli yomg‘ir yog‘ishi ehtimoli bor. Shamol sharqdan 3–8 metr/soniya tezlikda esadi. Ba’zan 10–12 metr/soniyagacha kuchayishi mumkin. Harorat kechasi 17–19 daraja, kunduzi 30–32 daraja bo‘ladi.
Qoraqalpog‘iston Respublikasi, Xorazm, Buxoro va Navoiy viloyatlarida ham ayrim joylarda yomg‘ir va momaqaldiroq kutiladi. Shamol 7–12 metr/soniya tezlikda esadi. Ba’zi hududlarda 13–18 metr/soniyagacha kuchayib, chang-to‘zon kuzatilishi mumkin. Harorat kechasi 13–20 daraja, kunduzi 29–34 daraja atrofida bo‘ladi.
Toshkent, Sirdaryo, Jizzax va Samarqand viloyatlarida havo o‘zgaruvchan bo‘ladi. Ayrim joylarda qisqa muddatli yomg‘ir yog‘ishi mumkin. Shamol kuchayganida chang-to‘zon ko‘tarilishi ehtimoli bor. Harorat kechasi 15–20 daraja, kunduzi 27–32 darajani tashkil etadi. Qashqadaryo va Surxondaryo viloyatlarida kun issiqroq bo‘ladi. Harorat kechasi 17–22 daraja, kunduzi 31–36 daraja bo‘ladi. Ba’zi joylarda havo 38 darajagacha isishi mumkin. Hududlarda qisqa muddatli yomg‘ir va momaqaldiroq ehtimoli saqlanadi.
Andijon, Namangan va Farg‘ona viloyatlarida ham o‘zgaruvchan ob-havo kutilmoqda. Ayrim joylarda yomg‘ir yog‘ishi, momaqaldiroq bo‘lishi mumkin. Harorat kechasi 13–18 daraja, kunduzi 27–32 daraja bo‘ladi.
Respublikaning tog‘li hududlarida vaqti-vaqti bilan yomg‘ir yog‘adi. Ba’zi joylarda yog‘ingarchilik kuchli bo‘lishi mumkin. Momaqaldiroq kuzatiladi. 19–22-may kunlari tog‘ oldi va tog‘li hududlarda sel-suv toshqin hodisalari yuzaga kelishi ehtimoli bor.
