O‘zbekistonda 3-iyun kuni ob-havo o‘zgaruvchan bo‘ladi. Ayrim hududlarda qisqa muddatli yomg‘ir yog‘ishi va momaqaldiroq kuzatilishi mumkin.
Toshkent shahrida kunning ikkinchi yarmida qisqa muddatli yomg‘ir yog‘ishi mumkin. Momaqaldiroq bo‘lishi ehtimoli ham bor. Shamol sharqdan 3-8 m/s tezlikda esadi. Ba’zi vaqtlarda 12-15 m/s gacha kuchayishi va chang-to‘zon kuzatilishi mumkin. Harorat kechasi 19-21 daraja, kunduzi 33-35 daraja bo‘ladi.
Qoraqalpog‘iston Respublikasi va Xorazm viloyatida ayrim joylarda yomg‘ir yog‘ishi kutilmoqda. Shamol 7-12 m/s tezlikda esadi. Ba’zi joylarda 15-20 m/s gacha kuchayadi. Harorat kechasi 15-20 daraja, kunduzi 26-31 daraja bo‘ladi. Buxoro va Navoiy viloyatlarida ham havo o‘zgaruvchan bo‘ladi. Ayrim joylarda yomg‘ir va momaqaldiroq kuzatilishi mumkin. Shamol ba’zi hududlarda 15-20 m/s gacha kuchayadi. Harorat kechasi 20-25 daraja, kunduzi 33-38 darajani tashkil etadi.
Toshkent, Sirdaryo, Jizzax va Samarqand viloyatlarida ham qisqa muddatli yomg‘ir ehtimoli bor. Shamol 7-12 m/s tezlikda esadi. Ba’zi joylarda 13-18 m/s gacha kuchayishi va chang-to‘zon bilan kuzatilishi mumkin. Harorat kechasi 18-23 daraja, kunduzi 30-35 daraja bo‘ladi. Qashqadaryo va Surxondaryo viloyatlarida ayrim joylarda yomg‘ir yog‘ishi mumkin. Momaqaldiroq ham kuzatiladi. Shamol 13-18 m/s gacha kuchayishi ehtimoli bor. Harorat kechasi 18-23 daraja, kunduzi 33-38 daraja bo‘ladi.
Andijon, Namangan va Farg‘ona viloyatlarida havo o‘zgaruvchan bo‘ladi. Ayrim joylarda qisqa muddatli yomg‘ir va momaqaldiroq bo‘lishi mumkin. Shamol sharqdan 5-10 m/s tezlikda esadi. Harorat kechasi 18-23 daraja, kunduzi 30-35 daraja bo‘ladi.
Respublikaning tog‘ oldi va tog‘li hududlarida ba’zi joylarda yomg‘ir yog‘adi. Momaqaldiroq kuzatilishi mumkin. Momaqaldiroq vaqtida shamol 13-18 m/s gacha kuchayadi. Harorat kechasi 12-17 daraja, kunduzi 23-28 daraja bo‘ladi.
