O‘zbekistonda 5-iyun kuni havo o‘zgaruvchan bo‘ladi. Ayrim hududlarda yomg‘ir yog‘ishi va momaqaldiroq kuzatilishi mumkin.
Toshkent shahrida kunning ikkinchi yarmida qisqa muddatli yomg‘ir yog‘ishi mumkin. Momaqaldiroq ham kuzatilishi ehtimoli bor. Poytaxtda shamol sharqdan 3–8 m/s tezlikda esadi. Ba’zan 10–12 m/s gacha kuchayadi.
Ayrim joylarda chang-to‘zonlar kuzatilishi mumkin. Harorat kechasi 17–19°, kunduzi 30–32° bo‘ladi.
Qoraqalpog‘iston Respublikasi va Xorazm viloyatida yog‘ingarchilik kutilmaydi. Havo o‘zgaruvchan bo‘ladi. Ushbu hududlarda shamol 7–12 m/s tezlikda esadi. Ba’zi joylarda 13–18 m/s gacha kuchayadi. Buxoro va Navoiy viloyatlarida ham yog‘ingarchilik kutilmaydi. Harorat kechasi 16–21°, kunduzi 30–35° bo‘ladi.
Toshkent, Sirdaryo, Jizzax va Samarqand viloyatlarida asosan yog‘ingarchilik bo‘lmaydi. Faqat Toshkent viloyatining ayrim joylarida qisqa muddatli yomg‘ir yog‘ishi mumkin. Qashqadaryo va Surxondaryo viloyatlarida havo issiq bo‘ladi. Yog‘ingarchilik kutilmaydi.
Bu hududlarda harorat kechasi 17–22°, kunduzi 33–38° gacha ko‘tariladi.
Andijon, Namangan va Farg‘ona viloyatlarida kunning ikkinchi yarmida ayrim joylarda yomg‘ir yog‘ishi mumkin. Momaqaldiroq ham kuzatilishi ehtimoli bor. Respublikaning tog‘ oldi va tog‘li hududlarida vaqti-vaqti bilan yomg‘ir yog‘adi. Momaqaldiroq kuzatilishi mumkin.
Tog‘li hududlarda shamol momaqaldiroq vaqtida 13–18 m/s gacha kuchayadi. Harorat kechasi 10–15°, kunduzi 18–23° bo‘ladi. O‘zgidromet 4–5-iyun kunlari tog‘ oldi va tog‘li hududlarda sel-suv toshqinlari yuzaga kelishi mumkinligidan ogohlantirdi.
Qaynoq24.uz 4-iyun kuni ob-havo qanday bo‘lishi haqida yozgan edi.
