AvtoVAZ tomonidan 2026-yilda yangi Lada Azimut avtomobili bozorga chiqariladi. Lada Vesta va Niva Legend esa yangi dvigatellar hamda kengaytirilgan opsiyalar bilan taklif etiladi.
2026-yilning eng muhim yangiliklaridan biri Lada Azimut krossoveri bo‘ladi. AvtoVAZ ushbu model orqali SUV segmentidagi pozitsiyasini kuchaytirishni maqsad qilgan.
Lada Azimut kompaniya uchun yangi yo‘nalishdagi muhim model sifatida ko‘rilmoqda. Krossover Rossiya bozorida raqobat kuchayib borayotgan bir paytda brendga yangi xaridorlarni jalb qilishi mumkin. Model haqida batafsil texnik ma’lumotlar hozircha to‘liq e’lon qilinmagan. Biroq AvtoVAZ Azimut’ni kelgusi yilgi asosiy premyera sifatida ko‘rsatmoqda.
Eksport va dilerlik tarmog‘i kengayadi
AvtoVAZ 2026-yilda nafaqat ichki bozor, balki eksport yo‘nalishiga ham e’tibor qaratadi. 2025-yilda kompaniyaning eksport yetkazib berish hajmi deyarli uchdan bir qismga oshgan. O‘sish, jumladan, Abxaziya, Misr, Liviya va Venesuela bozorlaridagi sotuvlar hisobiga ta’minlangan. MDH mamlakatlarida esa yangi dilerlik markazlari va yig‘uv maydonchalari ochilgan.
Kompaniya 2026-yilda tashqi bozorlardagi pozitsiyasini mustahkamlash, dilerlik tarmog‘ini kengaytirish va yangi savdo kanallarini rivojlantirishni rejalashtirmoqda.
Qaynoq24.uz Lada Azimut gibrid avtomobili qachon chiqishi haqida yozgan edi.
