AQSh vitse-prezidenti Jey Di Vens Isroil tomonidan Vashington va Tehron o‘rtasidagi tinchlik kelishuvi shartlari tanqid qilinganiga keskin javob berdi. Bu haqda The New York Times xabar berdi.
Vensning aytishicha, AQSh prezidenti Donald Tramp hozir dunyoda Isroilga hamdardlik bildirayotgan yagona davlat rahbaridir. U Isroil hukumatida bo‘lganida, dunyoda qolgan yagona kuchli ittifoqchini tanqid qilishdan tiyilgan bo‘lishini ta’kidladi.
Vitse-prezident Isroildagi kelishuv tanqidchilariga mamlakat mudofaasida ishlatilgan qurollarning katta qismi AQShda ishlab chiqarilganini ham eslatdi. Uning so‘zlariga ko‘ra, Isroilni himoya qilgan qurollarning uchdan ikki qismi Amerika soliq to‘lovchilari mablag‘i hisobidan xarid qilingan.
Avvalroq The Wall Street Journal AQSh prezidenti Donald Tramp Isroil bosh vaziri Binyamin Netanyaxu bilan telefon suhbatlaridan charchaganini yozgan edi. Nashr ma’lumotiga ko‘ra, bu muloqotlar ko‘pincha yangi zarbalar berish haqidagi chaqiriqlarga borib taqalgan.
Qaynoq24.uz AQSh prezidenti Hormuz bo‘g‘ozidagi blokadani bekor qilgani haqida yozgan edi.
