Rossiyada Chevrolet Tracker avtomobilining narxi pasaydi. Bu haqda “Avtonovosti dnya” texnologiya nashri xabar bermoqda.
Iyun oyida 1,65 mln rubl ($20 ming) turgan model hozir 1,506 mln rublga ($18 ming) buyurtma qilinmoqda. Bu narxni Vladivostokdagi dilerlik markazi taklif etmoqda.
Avtomobil haqida
Chevrolet Tracker — bu zamonaviy dizaynga ega, old g‘ildirakdan harakatlanuvchi krossover bo‘lib, 5 o‘rindiqli salon bilan jihozlangan. Avtomobilning uzunligi 4270 mm, kengligi 1791 mm, balandligi esa 1624 mm. G‘ildirak bazasi 2570 mm bo‘lib, klirensi 161 mm ni tashkil etadi.
Model 44 litrli yoqilg‘i bakiga ega. Yukxona hajmi 390 litr bo‘lib, orqa o‘rindiqlar buklanganda 1311 litrgacha kengayadi. Mashinaning o‘z og‘irligi 1350 kg, umumiy massasi esa 1685 kg.
Chevrolet Tracker 1,0 litr hajmdagi 3 silindrli benzinli turbomotor bilan jihozlangan. U 85 kVt yoki 116 ot kuchiga teng quvvat va 180 Nm moment hosil qiladi. Maksimal tezligi 180 km/soat bo‘lib, 0 dan 100 km/soatgacha 11,5 soniyada tezlashadi. Transmissiya — 6 pog‘onali avtomatik uzatma.
Avtomobilning old g‘ildiraklarida diskli, orqa qismida esa barabanli tormoz tizimi o‘rnatilgan. Shinalar o‘lchami 215/60 R16 yoki 215/55 R17.
Boshqaruv tizimi elektr kuchaytirgich bilan ishlaydi, old osma Makferson ustuniga asoslangan, orqa osma esa mustaqil turdagi.
Yoqilg‘i sarfi ham iqtisodiy: shahar ichida 8 l/100 km, aralash rejimda 6,5 l/100 km, trassada esa 5,5 l/100 km. Chevrolet Tracker o‘z sinfida qulaylik, samaradorlik va zamonaviy texnologiyalarni uyg‘unlashtirgan krossover sifatida ajralib turadi.
Chevrolet Tracker General Motors va Xitoyning SAIC kompaniyasi hamkorligida yaratilgan Global Emerging Markets platformasida ishlab chiqilgan. O‘lchamlari 4270×1791×1627 mm, g‘ildirak bazasi esa 2570 mm. Model Chery Tiggo 4 va Geely Coolray bilan bir segmentda raqobatlashadi
