Amerikalik qo‘shiqchi va aktrisa Selena Gomes hamda musiqiy prodyuser Benni Blanko nikohdan so‘ng ilk bor omma oldida birga paydo bo‘ldi. Bu haqda Daily Mail xabar bermoqda.
Juftlik sentabr oxirida o‘tgan to‘ylaridan keyin o‘tgan shanba kuni Los-Anjelesda bo‘lib o‘tgan Kino akademiyasi muzeyi gala kechasiga tashrif buyurgan.
Tantanali tadbirda Selena uzun qora baxmal libos va yaltirab turgan toshlar bilan bezatilgan dekolte kiyimda namoyon bo‘ldi. U paltosini yelkalariga tashlab, yorqin lab bo‘yog‘i bilan obrazini to‘ldirdi. Benni Blanko esa baxmal kostyum, ko‘k ko‘ylak va oltin aksessuarlar bilan chiqdi.
