Bugun Afg‘oniston hududida 6 magnitudali zilzila sodir bo‘ldi. Zilzila markazi Toshkentdan 556 kilometr janubiy-sharqda joylashgan.
Favqulodda vaziyatlar vazirligi ma’lumotiga ko‘ra, yer silkinishi O‘zbekistonning bir necha hududlarida sezilgan. Surxandaryo viloyatida zilzila kuchi 3 ballgacha yetgan. Farg‘ona, Sirdaryo, Andijon, Jizzax, Samarqand, Namangan va Qashqadaryo viloyatlarida 2–3 ball atrofida sezilgan. Toshkent shahrida esa yer silkinishi 2 ballni tashkil etgan.
Episentrda zilzila kuchi 3 ball sifatida qayd etilgan. Tabiiy hodisa oqibatida jabrlanganlar va talafotlar haqida hozircha ma’lumot berilmagan.
