Venesuelaning g‘arbiy qismidagi Tachira shtatida joylashgan Paramillo aeroportida kichik samolyot halokatga uchradi. Hodisa oqibatida ikki kishi halok bo‘lgani tasdiqlandi.
Venesuela Fuqarolik aviatsiyasi milliy instituti (INAC) ma’lum qilishicha, halokat yuz bergach, zudlik bilan favqulodda holatlar protokoli ishga tushirilgan va aeroport yong‘in-qutqaruv xodimlari voqea joyiga yetib borgan.
“Zarur protokollar darhol ishga tushirildi, aeroportning aviatsiya yong‘in xizmati voqeaga javob choralarini ko‘rdi,” — deyiladi INAC bayonotida.
Ayni damda samolyot qulashi sabablari bo‘yicha tergov harakatlari olib borilmoqda. Halok bo‘lganlar hamda samolyot turi haqida hozircha qo‘shimcha ma’lumot berilmadi.
Qaynoq24.uz nashri Ugandada ikkita avtobus to‘qnashuvi oqibatida kamida 46 kishi halok bo‘lgani haqida yozgan edi.
