Toshkent viloyatida qariyb 5 kg giyohvandlik moddasi musodara qilindi. Bu haqda Davlat xavfsizlik xizmati (DXX) xabar bermoqda. DXX, Ichki ishlar va Bojxona organlari bilan hamkorlikda operatsiyani amalga oshirdi.
Zangiota tumanida, Toshkent katta halqa yo‘liga yaqin yashirin joydan narkokuryerlar qoldirib ketgan 10 dona o‘ram aniqlangan. Tekshiruvda u yerda 4 kg 956 gramm “opiy” moddasining yashirilgani tasdiqlandi. Ushbu modda holislar ishtirokida rasmiy tartibda daliliy ashyoviy sifatida olindi.
Mazkur holat yuzasidan Jinoyat kodeksining 273-moddasi 5-qismi bilan jinoyat ishi qo‘zg‘atildi. Hozirda giyohvand moddalarni yashirgan shaxslarni aniqlash bo‘yicha zarur choralar ko‘rilmoqda.
