O‘zbekiston hukumati geografik obyektlarga nom berish va ularni qayta nomlash bo‘yicha yangi tartibni tasdiqladi. Qaror Vazirlar Mahkamasining navbatdagi yig‘ilishida qabul qilindi.
Qarorda aytilishicha, davlat ichida aholi punktlari, ko‘llar, daryolar, tog‘lar, mahallalar, tashkilotlar va boshqa obyektlarga nom berishda qat’iy mezonlarga amal qilinadi. Yangi tartib nomlash jarayonini aniq va shaffof qilishni maqsad qiladi.
Hujjatga ko‘ra, geografik obyektlarga beriladigan nomlar tarixiy xotira, milliy an’ana, madaniy meros va hududning o‘ziga xos xususiyatlariga mos bo‘lishi kerak. Nomlarni siyosiy, diniy yoki tijoriy maqsadda qo‘llashga yo‘l qo‘yilmaydi.
Qarorda nomlash hamda qayta nomlash takliflari maxsus komissiya tomonidan ko‘rib chiqilishi belgilangan. Shuningdek, tasdiqlangan nomlar yagona davlat reyestriga kiritiladi va barcha rasmiy hujjatlarda bir xil qo‘llanadi.
Qaynoq24.uz nashri 2026-yildan boshlab tibbiyot xodimlari besh kunlik ish rejimiga o‘tishi haqida yozgan edi.
