Hindiston poytaxti Nyu-Dehlidagi portlash natijasida 8 kishi halok bo‘ldi. Bu haqda BBC xabar bermoqda. Yana 20 kishi jarohat olgani tasdiqlandi.
Portlash 18:52 da ro‘y bergan. Hyundai i20 svetofor oldida to‘xtagan payt birdan portlagan. Atrofdagi mashinalar ham zarar ko‘rgan. Politsiya hodisa sababini aniqlashga kirishdi. Rasmiylar barcha ehtimollar tekshirilayotganini bildirgan.
Portlagan mashinada uch kishi bo‘lgan. Hodisadan so‘ng Mumbay va Uttar-Pradeshda xavfsizlik kuchaytirildi.
Hindiston bosh vaziri Narendra Modi halok bo‘lganlar oilalariga hamdardlik bildirdi. Rahul Gandi bu xabarni juda og‘ir deb atadi. Hindiston ichki ishlar vaziriga ko‘ra, barcha imkoniyatlar ko‘rib chiqiladi. Natijalar jamoatchilikka tez fursatda taqdim etiladi.
Guvohlar portlashdan keyin dahshatli manzara yuzaga kelganini aytmoqda. Yong‘in ichida qolganlarga yordam berishga uringanlar bo‘lgan. Hududda ATS, NSG va CRPF xodimlari kuchaytirilgan tartibda xizmat olib bormoqda. Tergov davom etmoqda.
Avvalroq Qaynoq24.uz nashri AQShda Yamaykaga yordam olib ketayotgan samolyot qulab tushgani haqida yozgan edi.
