2026-yil 1-sentabrdan fuqarolar “Shajara” axborot tizimi orqali oilaviy shajara bo‘yicha ma’lumotlarni onlayn olish imkoniga ega bo‘ladi. Bu haqda Adliya vazirligi xabar bermoqda.
Tizim orqali FHDYOning yagona elektron arxivi, davlat arxivlari va idoraviy arxivlarda saqlanayotgan hujjatlar asosida shajara ma’lumotlarini shakllantirish xizmati ko‘rsatiladi. Shuningdek, X. Sulaymonova nomidagi Respublika sud ekspertiza markazining DNK xizmati orqali fuqarolarning etnik kelib chiqishini aniqlash imkoniyati yaratiladi.
Oilaviy shajarani shakllantirish xizmatlari davlat xizmatlari markazlari va my.gov.uz orqali uch davr bo‘yicha taqdim etiladi:
- IX asrdan 1917-yilgacha
- 1918-yildan 1945-yilgacha
- 1946-yildan hozirgi kungacha
Avvalrioq Qaynoq24.uz nashri o‘zbekistonliklar 7 avlodini bilishi mumkinligi haqida yozgan edi.
