Samsung 2027-yilda chiqarilishi kutilayotgan Samsung Galaxy S27 Ultra modelida ilg‘or kamera o‘rniga hozirgi Galaxy S25 Ultra’da ishlatilayotgan 200 megapikselli Samsung ISOCELL sensorini o‘rnatishi mumkin.
Shu orqali kompaniya ta’minot zanjiridagi muammolar va xarajatlarni kamaytirishni maqsad qilmoqda. Ice Universe ta’kidicha, bu strategiya keyingi yillarda ham davom etishi mumkin. 2028 va 2029-yillarda chiqarilishi rejalashtirilgan Galaxy S28 Ultra va S29 Ultra modellari ham eski sensorni ishlatishi ehtimol qilinmoqda.
Mutaxassisning fikricha, Samsung premium qurilmalarda ilg‘or kamera texnologiyasini ishlatishi kerak bo‘lsa-da, kompaniya xarajatlarni tejash maqsadida bu imkoniyatdan voz kechadi. Ushbu insayd fonida Sony kompaniyasi yangi LYTIA LYT-901 kamerasi bilan rekord o‘lchamga ega sensorni taqdim etdi — 1/1,12 dyuym.
Bundan tashqari, noyabr oyida insayderlar Samsung‘ning uch ekranli Galaxy Z TriFold katlanadigan smartfoni oddiy flagmanlarga nisbatan bir necha barobar qimmat bo‘lishini, taxminiy narxi 2000–3000 dollar atrofida bo‘lishini ma’lum qilishgan.
Ushbu xabar Samsung‘ning kelajakdagi flagmanlarida kamera yangiliklariga jiddiy o‘zgarishlar bo‘lmasligi va kompaniyaning tejash strategiyasini aks ettiradi.
Qaynoq24.uz Samsung Galaxy S26 Ultra modeli nihoyat 60Vt quvvatlanishni qo‘llab-quvvatlashi mumkinligi haqida yozgan edi.
