Joriy yil 1801 nafar shaxsga korrupsion jinoiy ish ochilgan. Bu haqda Oliy Sud matbuot kotibi ma’lum qildi. Rasmiy ma’lumotlarga ko‘ra, 2024-yilda jami 1 991 nafar shaxs ushbu modda bilan sudlangan. Ulardan:
- 651 nafari ozodlikdan mahrum qilish jazosiga hukm qilingan;
- 1 340 nafari esa ozodlikdan mahrum etish bilan bog‘liq bo‘lmagan — jarima, axloq tuzatish ishlari, ozodlikni cheklash yoki shartli hukm kabi jazolarga tortilgan.
Joriy yilning 11 oyi mobaynida esa:
- 1 801 nafar shaxs mazkur modda bo‘yicha sudlangan;
- 465 nafari ozodlikdan mahrum qilingan;
- 1 336 nafari esa erkinlikdan mahrum etmaydigan jazolarga tortilgan.
Statistika shuni ko‘rsatadiki, joriy yilda ushbu modda bo‘yicha sudlanganlar soni biroz kamaygan bo‘lsa-da, ozodlikdan mahrum qilish bilan bog‘liq bo‘lmagan jazolar ulushi yuqori darajada saqlanib qolmoqda. Bu esa sudlar tomonidan ijtimoiy ahamiyati nisbatan past yoki birlamchi jinoyat holatlarida muqobil jazolarni qo‘llash amaliyoti davom etayotganidan dalolat beradi.
Qaynoq24.uz nashri Farg‘onada kuchli ta’sir qiluvchi dori vositalari savdosi bilan shug‘ullanib kelgan shaxs ushlangani haqida yozgan edi.
