FIFA 2025-yil yakunlariga ko‘ra dunyoning eng yaxshi futbolchisi nomini e’lon qildi. Bu haqda Xalqaro futbol federatsiyasi (FIFA) rasmiy saytida ma’lum qilindi.
Ushbu nufuzli sovrin PSJ klubi va Fransiya terma jamoasi hujumchi yarim himoyachisi Usmon Dembelega nasib etdi.
FIFA ma’lumotiga ko‘ra, Dembele klubining tarixida ilk bor UEFA Chempionlar ligasi chempionligini qo‘lga kiritishida muhim rol o‘ynagan. U Yevropa musobaqasidagi g‘alabali yurishda 8 ta gol urib, 6 ta golga uzatma amalga oshirgan.
Shuningdek, yilning eng yaxshi murabbiyi nomiga PSJ bosh murabbiyi Luis Enrike loyiq deb topildi. Uning rahbarligida Parij klubi 2025-yilda besh ta sovrinni qo‘lga kiritdi.
Qayd etilishicha, joriy yilning sentabr oyida Usmon Dembele “Oltin to‘p” sovrinini ham qo‘lga kiritgan edi. Mutaxassislar hujumchining ushbu mukofotni ketma-ket ikkinchi bor yutib olish ehtimolini ham yuqori baholamoqda.
Qaynoq24.uz Arda Gyuler haqida 5 ta qiziqarli fakt haqida yozgan edi.
