2025-yilning yanvar–noyabr oylarida ko‘rsatilgan bozor xizmatlari hajmi 916 trln so‘mni tashkil etgan. Natijalar norasmiy va yashirin iqtisodiyotni baholash bo‘yicha o‘tkazilgan kuzatuvlar asosida shakllantirilgan. Bu haqda Milliy statistika qo‘mitasi ma’lum qildi.
Statistika shuni ko‘rsatadiki, xizmatlar bozori o‘tgan yilning shu davriga nisbatan sezilarli darajada kengaydi. 2024-yilda ushbu ko‘rsatkich 735,6 trln so‘m bo‘lgan bo‘lsa, 2023-yilda 574,8 trln so‘m, 2022-yilda 329,3 trln so‘mni, 2021-yilda esa 257,2 trln so‘mni tashkil etgan. So‘nggi yillarda barqaror o‘sish dinamika kuzatilmoqda — 2025-yilda yillik o‘sish 14,6 foizga yetdi.
Qaynoq24.uz O‘zbekistonning tashqi savdo aylanmasi 72 milliard dollardan oshgani haqida yozgan edi.
