Realme kompaniyasining 10 001 mA/soat quvvatga ega yangi smartfoni ilk bor suratlarda ko‘rindi. Bu haqda Gizmochina ma’lum qildi.
Avvalroq aynan Realme katta sig‘imli batareyali telefon g‘oyasini birinchi bo‘lib e’lon qilgan edi. Ammo savdoga birinchi bo‘lib Honor Win seriyasi chiqdi. Endi esa Realme ham o‘zining superquvvatli modeli bilan bozorga kirishga tayyor ko‘rinadi.
Yangi qurilma RMX5107 raqamli model sifatida qayd etilgan. Smartfon Realme UI 7.0 tizimida ishlaydi, 12 GB operativ xotira va 256 GB ichki xotiraga ega. Qurilma Hi-Res Audio sertifikatidan ham o‘tgan. Hozircha boshqa xotira versiyalari haqida ma’lumot yo‘q.
Realme ilgari eng katta — 7 000 mA/soatli batareyaga ega modellarga ega edi. Yangi 10 001 mA/soatlik smartfon esa kompaniya uchun jiddiy qadam bo‘lib, odatiy smartfon dizayni chegaralarini sezilarli kengaytiradi.
Maqomni kuchaytiruvchi yana bir dalil — qurilmaning Yevropa EEC sertifikatidan o‘tganidir. Bu uning yaqin orada taqdim etilishi mumkinligini anglatadi.
Modelning rasmiy namoyishi sanasi hozircha oshkor qilinmagan.
Qaynoq24.uz Realme Neo 8 8000 mA/soat batareya bilan taqdim etilishi haqida yozgan edi.
