OnePlus Turbo 6 smartfoni global bozorda sotuvga chiqarildi. Qurilmaning boshlang‘ich narxi 399 dollarni tashkil etadi. Bu haqda Giztop platformasi xabar bermoqda.
Smartfon ColorOS 16 interfeysi asosidagi Android 16 tizimida ishlaydi. U yuqori unumdor Qualcomm Snapdragon protsessori bilan jihozlangan. Qurilma 12 yoki 16 GB LPDDR5X tezkor xotiraga ega.
OnePlus Turbo 6 6,78 dyuymli AMOLED displey bilan ta’minlangan. Ekran 1.5K aniqlik va 165Hz yangilanish tezligini qo‘llab-quvvatlaydi. Yorqinlik darajasi 1800 nitgacha yetadi va HDR10+ mavjud.
Asosiy kamera 50 MP Sony IMX906 sensoriga ega bo‘lib, OIS qo‘llab-quvvatlanadi. Qo‘shimcha 2 MP monoxrom modul o‘rnatilgan. Old kamera 16 MP bo‘lib, 1080p video yozuvni qo‘llaydi.
Smartfon 9000 mA·soat sig‘imli batareya bilan jihozlangan. SuperVOOC tezkor quvvatlash texnologiyasi mavjud. Ultra Power Saving rejimi energiya tejamkorligini oshiradi.
OnePlus Turbo 6 o‘yin, multitasking va kundalik foydalanish uchun mo‘ljallangan. Qurilma kuchli texnik ko‘rsatkichlari va nisbatan arzon narxi bilan ajralib turadi.
Qaynoq24.uz 2025-yilning eng yaxshi Xitoy smartfonlari haqida yozgan edi.
