Soliq qo‘mitasi ma’lumotiga ko‘ra, 2025-yilda respublika bo‘yicha budjetga jami 247,8 trln so‘m soliq tushumlari ta’minlandi. Bu ko‘rsatkich 2024-yilga nisbatan 24%ga ko‘p.
Eng katta tushum foyda solig‘i hisobidan qayd etildi. Ushbu soliq turi bo‘yicha 72,3 trln so‘m yig‘ildi va o‘sish 37%ni tashkil etdi. Qo‘shilgan qiymat solig‘i bo‘yicha tushumlar 45,2 trln so‘mga yetdi. Bu 14% o‘sishni anglatadi.
Jismoniy shaxslardan olinadigan daromad solig‘i hajmi 42,4 trln so‘mni tashkil etdi. Ushbu yo‘nalishda o‘sish 20% bo‘ldi. Yer qa’ridan foydalanganlik uchun soliqdan 25,8 trln so‘m tushdi. Bu ko‘rsatkich 28%ga oshgan.
Aksiz solig‘i bo‘yicha tushumlar 20 trln so‘mni tashkil etdi. O‘sish darajasi 13% bo‘ldi. Soliqsiz tushumlar hajmi 19,5 trln so‘mga yetdi va bu 31% o‘sish qayd etilganini ko‘rsatadi.
Yer solig‘idan 10 trln so‘m tushum ta’minlandi. Bu o‘tgan yilga nisbatan 22% ko‘p. Mol-mulk solig‘i bo‘yicha 8 trln so‘m yig‘ildi. O‘sish 18%ni tashkil etdi. Aylanmadan olinadigan soliqdan tushumlar 3,1 trln so‘mga yetdi. Bu 8% o‘sishni ko‘rsatadi.
Suv resurslaridan foydalanganlik uchun soliq tushumlari 1,4 trln so‘mni tashkil etdi. Ushbu soliq turi bo‘yicha o‘sish 21% bo‘lgan.
Qaynoq24.uz nashri “Eng yaxshi soliq to‘lovchi mahalla” nominatsiyasi joriy etila=ishi haqida yozgan edi.
