Andijonda voyaga yetmagan shaxs tomonidan og‘ir jinoyat sodir etildi. Qayd etilishicha, 2026-yil 6-fevral kuni Buloqboshi tumanida 17 yoshli o‘smir avvalroq o‘z tanishi bilan yuzaga kelgan nizo oqibatida janjallashgan.
Kelishmovchilik davomida o‘smir xo‘jalik pichog‘i bilan tanishiga tan jarohati yetkazib, uni qasddan o‘ldirgan. Hodisa yuzasidan Jinoyat kodeksining 97-moddasi, ya’ni qasddan odam o‘ldirish bilan jinoyat ishi qo‘zg‘atilgan.
Gumonlanuvchi voyaga yetmagan shaxs protsessual tartibda ushlangan. Hozirda mazkur holat yuzasidan tergov harakatlari olib borilmoqda.
Qaynoq24.uz Toshkentda advokatga nisbatan jinoyat ishi qo‘zg‘atilgani haqida yozgan edi.
