Samsung Galaxy A34 smartfoni uchun 2026-yil iyul oyiga mo‘ljallangan xavfsizlik yangilanishini tarqata boshladi. SamMobile ma’lumotiga ko‘ra, yangi dasturiy ta’minot avvalgi tizimda aniqlangan 57 ta xavfsizlik zaifligini bartaraf etadi.
Yangilanish hozircha Janubiy Koreyadagi SM-A346N model raqamiga ega Galaxy A34 qurilmalari uchun chiqarilgan. U A346NKSSFFZG1 proshivka raqami bilan tarqatilmoqda. Kompaniya yaqin kunlarda yangilanishni boshqa mamlakatlardagi foydalanuvchilar uchun ham taqdim etishi kutilmoqda.
Galaxy A34 egalari yangilanish mavjudligini smartfon sozlamalaridagi «Dasturiy ta’minotni yangilash» bo‘limi orqali tekshirishi mumkin. Yangilanish qurilmaga yangi funksiyalar qo‘shmaydi, biroq tizim xavfsizligini oshirib, aniqlangan kamchiliklarni yopadi.
Samsung Galaxy A34 modeli dastlab Android 13 asosidagi One UI 5.1 operatsion tizimi bilan chiqarilgan edi. Kompaniya ushbu smartfon uchun to‘rtta yirik Android yangilanishini va’da qilgan. Qurilma hozirgacha uchta asosiy yangilanishni olib, Android 16 asosidagi One UI 8.5 tizimida ishlamoqda.
Shu tariqa Galaxy A34 kelajakda Android 17 asosidagi One UI 9.0 yangilanishini ham olishi kerak. Bu model uchun so‘nggi yirik operatsion tizim yangilanishi bo‘lishi kutilmoqda.
Qaynoq24.uz Samsung Galaxy S25 Ultra va S24 Ultra modellari taqqoslangani haqida yozgan edi.
