Toshkentda qozog‘istonlik bloger Arujan Aybekova ishtirokida olingan “ijtimoiy tajriba” videosi ijtimoiy tarmoqlarda keng muhokama qilinmoqda. U videoni instagramdagi sahifasida e’lon qilgan.
Tasvirda bloger poytaxtdagi jamoat joylarida begona erkaklar yoniga o‘tirib, ularning roziligisiz ularga tegadi. Qisqa muddat ichida lavha Instagramda tarqalib, o‘zbekistonlik foydalanuvchilar tomonidan keskin tanqidga uchradi.
Bloger so‘nggi postlaridagi izohlarni o‘chirib qo‘ygan.
Ma’lumot uchun, Arujan Aybekova mana shunga o‘xshash ssenariyda olingan videolari orqali mashhur bo‘lgan.
