O‘zbekistonda xorijiy investitsiyalar ishtirokida faoliyat yuritayotgan korxonalar soni 19 mingdan oshdi. Milliy statistika qo‘mitasi ma’lumotiga ko‘ra, 2026 yil 1 aprel holatiga ularning umumiy soni 19 072 taga yetgan.
Shundan 4,3 mingtasi qo‘shma korxonalar, 14,6 tasi esa to‘liq xorijiy korxonalar hisoblanadi. So‘nggi besh yil ichida bunday korxonalar soni 1,4 barobarga oshgan.
Ayni paytda xorijiy korxonalar ulushi ham sezilarli darajada ko‘paygan. Ilgari ularning ulushi 55,5 foizni tashkil etgan bo‘lsa, hozirda bu ko‘rsatkich 77 foizga yetgan. Eng ko‘p korxonalar Xitoy kapitali ishtirokida faoliyat yuritmoqda. Shuningdek, Rossiya va Turkiya ham yetakchi davlatlar qatorida qolmoqda. Qozog‘iston, Janubiy Koreya va Afg‘oniston ishtirokidagi korxonalar soni ham yuqori ko‘rsatkichni tashkil etgan.
Jadval:
| Davlat | Korxonalar soni |
|---|---|
| Xitoy | 5 398 |
| Rossiya | 3 260 |
| Turkiya | 2 186 |
| Qozog‘iston | 1 240 |
| Janubiy Koreya | 714 |
| Afg‘oniston | 655 |
| Ozarbayjon | 442 |
| Tojikiston | 427 |
| BAA | 425 |
| Hindiston | 398 |
Qaynoq24.uz O‘zbekistonda aholi soni 38,4 mlnga yetgani haqida yozgan edi.
