PSG himoyachisi Ashraf Hakimi 2025-yilgi CAF mukofotida Afrika yil futbolchisi deb topildi. U 1998-yildan beri bu sovrinni olgan ilk marokashlik futbolchi. Shuningdek, 1973-yildan beri bu unvonga sazovor bo‘lgan ilk himoyachi.
Mukofot Rabot shahrida bo‘lib o‘tgan marosimda topshirildi. Hakimi ovoz berishda Muhammad Salah va Viktor Osimhenni ortda qoldirdi. U joriy yilda PSG bilan tarixiy natijalarga erishgan edi.
PSG may oyida Chempionlar ligasida g‘olib bo‘ldi. Finalda Inter 5:0 hisobida yengildi. Klub Ligue 1 va Fransiya kubogini ham qo‘lga kiritib, treblni rasmiylashtirdi. Avgust oyida esa Tottenham ustidan g‘alaba qozonib, UEFA Superkubogini oldi.
Hakimi bu sovrinni o‘ziga ishonib kelgan barcha insonlarga bag‘ishladi. Futbolchi sentabr oyida Ballon d’Or reytingida 6-o‘rinni egallab, Marokash futboli tarixida eng yuqori natijani qayd etdi. Uning jamoadoshi Usmon Dembele esa yilning eng yaxshi futbolchisi deb topilgan edi.
Marokash futboli bu yili yana ikki yirik mukofotni oldi. Yassin Bununu erkaklar o‘rtasida yil darvozaboni bo‘ldi. Ghizlane Chebbak esa ayollar o‘rtasida yil futbolchisi deb tan olindi.
Nigeriyalik Chiamaka Nnadozie uchinchi yil ketma ket ayollar darvozaboni bo‘yicha g‘olib chiqdi. U yaqinda Angliyaning “Brayton” klubi bilan shartnoma imzolagan.
Kabo-Verde terma jamoasi murabbiyi Bubista yil murabbiyi deb topildi. U jamoani birinchi marta jahon chempionatiga olib chiqdi. Kabo-Verde 525 ming aholiga ega bo‘lsa, turnirdagi eng kichik mamlakat Kurasao bo‘ladi. Bu orol 156 ming aholi bilan jahon chempionatiga chiqqanini tasdiqladi.
Avvalroq Qaynoq24.uz Abbosbek Fayzullayev tez orada uylanishi haqida yozgan edi.
