iPhone Air smartfoni qayta sotuvda rekord darajada qiymat yo‘qotmoqda. Bu haqda SellCell hisobotiga tayangan bir nechta nashrlar xabar bermoqda.
So‘nggi ma’lumotlarga ko‘ra, iPhone Air modeli o‘n haftada bozordagi qiymatining deyarli yarmiga yaqinini yo‘qotgan.
Hisobotda aytilishicha, AQShdagi 40 ta qayta sotib oluvchi kompaniya narxlari o‘rganilgan. Natijada iPhone Air barcha iPhone 17 liniyasi ichida eng tez qadrsizlanayotgan modelga aylangani ma’lum bo‘lgan. Qurilma 40,3 foizdan 47,7 foizgacha qiymat yo‘qotgan.
iPhone Air’ning 256 GB bazaviy modeli $999 turadi. Ammo ikkilamchi bozorda uning narxi 40,3 foizga arzonlashgan. 512 GB versiya MSRP’ga nisbatan 45 foiz, 1 TB model esa 47,7 foizgacha qadrsizlangan. Ya’ni 1 TB iPhone Air hozir bozorda taxminan $668 atrofida sotilmoqda.
Qiziq jihati — o‘tgan yili iPhone 16 Plus ham shunga yaqin darajada, ya’ni 41,6 foiz qiymat yo‘qotgan edi. Oddiy iPhone 16 esa o‘sha davrda 44,2 foizga tushgan edi.
Shu bilan birga, iPhone 17 liniyasining qolgan modellarida bunday keskin pasayish kuzatilmayapti. Ular o‘rtacha 34,6 foizga qadrsizlangan. Eng yaxshi natija iPhone 17 Pro 256 GB versiyasiga tegishli — u bor-yo‘g‘i 26,1 foiz qadrsizlangan.
iPhone Air
iPhone Air tashqi ko‘rinishda yengil va yupqa korpusga ega bo‘lib, Apple uni premium segmentga yaqin, biroq Pro modellardan arzonroq alternativ sifatida taqdim etgandi. Qurilma 6,1 dyuymli OLED displeyga ega, ekrani yuqori yorqinlik va rang aniqligi bilan ajralib turadi. Model Apple’ning A17 chipi bilan jihozlangan bo‘lib, kundalik foydalanish va o‘yinlarda yetarli darajada tezkor ishlashni ta’minlaydi. Asosiy kamera 48 megapikselli sensor bilan ta’minlangan, u tungi suratga olishda ham ancha yuqori sifatni beradi. Old kamera esa 12 megapikselli. Smartfon 256 GB, 512 GB va 1 TB xotira variantlarida taqdim etilgan. Batareya quvvati kun davomida yetishi uchun optimallashtirilgan bo‘lib, 30 Vt tezkor quvvatlashni qo‘llab-quvvatlaydi.
Qaynoq24.uz iPhone 17e qanday dizaynda chiqishi haqida yozgan edi.
