Nubia kompaniyasi yangi Red Magic 11 Air geyming smartfoni dizayni va rang variantlarini tezer orqali ochib berdi. Bu haqda Gizchina xabar bermoqda. Qurilma rasmiy taqdimotidan oldin to‘liq tashqi ko‘rinishi bilan namoyish etildi.
Tezerdan ko‘rinishicha, Magic 11 Air biroz egri shakldagi shisha orqa panelga ega. Orqa qopqoq shaffof bo‘lib, ichki komponentlar qisman ko‘rinib turadi. Smartfon uchta rangda chiqariladi. Ular Stardust White, Quantum Black va Aurora Silver.
Aurora Silver rangida yorqin to‘q sariq aksentlar mavjud. Ushbu rang quvvat tugmasida, dizayn elementlarida va kamera halqalarida qo‘llangan. Bu esa qurilmaga yanada agressiv va futuristik ko‘rinish beradi.
Orqa panelda uch kamerali modul joylashgan. Kompaniya logotipi RGB yoritishga ega. U geyming uslubini yanada kuchaytiradi. Shaffof dizayn va yoritish elementlari smartfonni boshqa modellardan ajratib turadi.
Ma’lumotlarga ko‘ra, Red Magic 11 Air 20-yanvar 2026 kuni Xitoyda taqdim etiladi. Qurilma qalinligi atigi 7,85 mm bo‘ladi. U ultra-qalin 4D Ice-Step bug‘ kamerasi bilan sovitiladi. Smartfon Red Core R4 e-sport chipi, Cube gaming engine va o‘rnatilgan PC-emulyator bilan jihozlanadi.
Qaynoq24.uz eng hayratlanarli smartfionlar haqida yozgan edi.
