Realme kompaniyasi Xitoyda Realme Neo 8 modelini rasmiy ravishda taqdim etdi. Bu haqda Gizmochina nmashri xabar bermoqda. Ushbu telefon 2026-yil uchun Neo seriyasining eng kuchli flagmani sifatida chiqmoqda. Narxi 345 dollardan boshlanadi’
Kuchli texnik xususiyatlar
Realme Neo 8 Qualcomm Snapdragon 8 Gen 5 protsessori bilan jihozlangan bo‘lib, LPDDR5X RAM va UFS 4.1 xotira bilan birga ishlaydi. Telefon o‘yinlarga qaratilgan va yuqori havoni sovutish tizimi hamda yangi GT Performance Engine bilan ta’minlangan. Realme, shuningdek, Neo 8’ni 30 dan ortiq mashhur FPS o‘yinlarida 165Hz tezlikda o‘ynash imkoniyatini ta’minlaydi.
Ekran va dizayn
Neo 8 o‘zining o‘zgacha dizayni bilan ajralib turadi. Telefon Samsung Sky Screen panelidan foydalangan holda, 165Hz yangilanish tezligiga ega. Ekran yuqori yorqinlikka ega bo‘lib, maksimal pik yorqinlik 6500 nitsga yetadi. Shuningdek, ekran ko‘zlarni himoya qilish uchun ilg‘or funksiyalarga ega. Dizaynning o‘zgacha jihati esa shundaki, telefon orqa tomoni yashirin RGB yoritilish effektlari va metall ramkaga ega.
Batareya va kamera
Neo 8 8000mAh batareya bilan jihozlangan bo‘lib, bypass zaryadlashni qo‘llab-quvvatlaydi va tez zaryadlash texnologiyasi bilan keng qo‘llab-quvvatlanadi. Kamera tizimi 50MP Sony IMX896 asosiy kamerasidan iborat bo‘lib, optik stabilizatsiya (OIS) va 50MP periskop telefoto linzasi mavjud. Kamera tizimi 3.5x optik zoom va 7x yo‘qotishsiz zoomni taqdim etadi. Shuningdek, 120x raqamli zoom mavjud.
Qo‘shimcha xususiyatlar
Realme Neo 8 ning dizayni shuningdek, IP66, IP68 va IP69 himoya darajasiga ega, bu esa suv va changdan yaxshi himoyalanganligini anglatadi. Telefon 3D ultratovushli barmoq izlari sensori, stereo dinamiklar va X-o‘qli motor bilan jihozlangan. Smartfon NFC, infraqizil pult va Sky Communication tizimi kabi qo‘shimcha bog‘lanish imkoniyatlariga ega.
Qaynoq24.uz Realme P4 Power smartfonining texnik xususiyatlari haqida yozgan edi.
