Apple iPhone 18 seriyasida ekran bo‘yicha sezilarli farq paydo bo‘lishi mumkin. Ma’lumotlarga ko‘ra, oddiy iPhone 18 modeli eskiroq OLED texnologiyasidan foydalanadi.
Insayderlarga ko‘ra, standart model M12+ OLED panel bilan jihozlanadi. Bu texnologiya ilk bor 2022-yilda iPhone 14 Pro va Samsung Galaxy S23 da qo‘llangan. Shu bilan birga, iPhone 18 Pro va iPhone 18 Pro Max ancha ilg‘or M16 ekranlarini oladi. Bu panellar yangi ko‘k fosforli OLED texnologiyasiga asoslanadi.
Mutaxassislar fikricha, bu yangilik sezilarli farq yaratadi. Yangi texnologiya energiya samaradorligini oshiradi va batareya ishlash vaqtini uzaytiradi.
Oddiy model esa sifat jihatidan yaxshi bo‘lsa-da, texnologik jihatdan Pro versiyalardan ortda qoladi. Bu Apple’ning xarajatlarni kamaytirish strategiyasi bilan bog‘lanmoqda.
Yana bir muhim jihat — taqdimot va sotuv sanalari farqi. Ma’lumotlarga ko‘ra, standart iPhone 18 2027-yil boshida chiqadi. Pro modellari esa 2026-yil kuzida sotuvga chiqadi.
Qaynoq24.uz iPhone 16 Pro smartfoni xarid qilishga arziydimi yoki yo‘qmi yozgan edi.
