Qosim-Jo‘mart To‘qayev Holokost qurbonlarini xotirlash xalqaro kuni munosabati bilan Itsxak Gertsogga telegramma yubordi. Bu haqda Zakon.kz xabar bermoqda.
Xabarga ko‘ra, telegrammada Qozog‘iston millionlab begunoh insonlar Holokost yillarida halok bo‘lganini chuqur hurmat bilan yodga olishini bildirgan. U etnik va diniy adovat hamda zo‘ravonlikning barcha ko‘rinishlarini qat’iy qoralashini ta’kidlagan.
To‘qayev Qozog‘iston insoniyatga qarshi jinoyatlar takrorlanishining oldini olishga qaratilgan xalqaro sa’y-harakatlarni doimiy qo‘llab-quvvatlashini qayd etgan. Shuningdek, Holokost davrida evakuatsiya qilingan ko‘plab yahudiylar Qozog‘istonda boshpana topganini eslatgan.
Telegrammada bugun mamlakatdagi yahudiy jamoasi jamiyatning ajralmas qismi ekani ham ta’kidlangan.
Qaynoq24.uz Isroil G‘azoda majburiy ko‘chirish buyrug‘ini bergani haqida yozgan edi.
