AQSh harbiylari Hormuz bo‘g‘ozini minalardan tozalash kamida olti oy vaqt olishini ma’lum qildi. Bu jarayon faqat urush tugaganidan keyin boshlanishi mumkin.
Ma’lumotlarga ko‘ra, ayrim minalar zamonaviy GPS texnologiyasi yordamida masofadan turib joylashtirilgan. Bu ularni aniqlashni ancha murakkablashtiradi. Boshqa minalar esa kichik katerlar orqali o‘rnatilgan. Pentagon rasmiylari bu muddatga izoh berishdan bosh tortgan. Biroq AQSh mudofaa vazirligi vakillari ayrim ma’lumotlarni ishonchsiz deb atagan.
Shu bilan birga, AQSh tomoni Eron minalar qo‘yishda foydalanishi mumkin bo‘lgan kemalarni yo‘q qilayotganini bildirgan. Vashington Hormuz bo‘g‘ozini nazorat ostida ushlab turishga urinmoqda. Mazkur vaziyat global iqtisodiyotga jiddiy ta’sir ko‘rsatishi mumkin. Chunki urushdan oldin dunyo neftining qariyb 20 foizi aynan shu yo‘nalish orqali tashilgan.
Hozirda bo‘g‘ozda harakat deyarli izdan chiqqan. Eron tomoni uni yopganini e’lon qilgan va ayrim tankerlarga hujum qilgan. Mutaxassislar fikricha, agar tozalash ishlari cho‘zilsa, neft bozori keskin beqarorlashadi. Bu esa yoqilg‘i narxlarining oshishiga olib kelishi mumkin.
AQSh va uning ittifoqchilari bo‘g‘ozni tozalash uchun vertolyotlar, dronlar va suv osti mutaxassislarini jalb etishni ko‘rib chiqmoqda. Buyuk Britaniya va Germaniya ham bu jarayonda ishtirok etishga tayyorligini bildirgan.
Qaynoq24.uz Eron hukumati AQSh bilan muzokaralarda asosiy dengiz yo‘lagi bo‘lgan Hormuz bo‘g‘ozi hozircha ochilmasligini bildirgani haqida yozgan edi.
