Qaynoq24 Telegramda kuzating

Ayrim ta’lim muassasalari xodimlariga staj uchun 120 foizgacha ustama beriladi

Foto: depositphotos
Jonibek Juraqulov
1 Daqiqa o‘qish

O‘zbekistonda Ijtimoiy himoya milliy agentligi tizimidagi ayrim ta’lim muassasalari xodimlari uchun ko‘p yillik mehnat stajiga qarab 120 foizgacha oylik ustama belgilandi.

Ustama kimlarga beriladi

Yangi tartib reabilitatsiya markaziga ega ko‘p tarmoqli davlat ixtisoslashtirilgan maktabgacha ta’lim tashkilotlari, ko‘p tarmoqli ixtisoslashtirilgan va qo‘shma turdagi maktabgacha ta’lim tashkilotlari, eksperimental maktabgacha ta’lim tashkilotlari, ixtisoslashtirilgan maktablar hamda ko‘p funksional inklyuziv-resurs maktablari xodimlariga tatbiq etiladi.

Reklama
Qaynoq24 Instagramda kuzating

Shuningdek, ko‘p tarmoqli maktab va maktab-internatlar, ixtisoslashtirilgan maktab-internatlar, maxsus texnikumlar va ko‘p funksional inklyuziv-resurs markazlari ham hujjat doirasiga kiritilgan.

Ushbu muassasalarning bosh hisobchilari, yetakchi hisobchilari, hisobchilari va kadrlar bo‘yicha inspektorlari uchun tarif razryadlari hamda ko‘p yillik ish stajiga qarab oylik ustamalar belgilandi.

Staj oshgani sari ustama ham ko‘payadi

Bir yildan uch yilgacha mehnat stajiga ega xodimlarga lavozim maoshining 30 foizi, uch yildan besh yilgacha staj uchun 60 foizi miqdorida ustama to‘lanadi.

Besh yildan o‘n yilgacha ishlagan xodimlar 80 foiz, o‘n yildan o‘n besh yilgacha mehnat stajiga ega bo‘lganlar esa 100 foiz ustama oladi.

15 yil va undan ortiq mehnat stajiga ega xodimlarga esa lavozim maoshining 120 foizi miqdorida har oylik ustama to‘lanadi.

TAGGED:
Ushbu maqolani ulashish
Obuna bo‘ling:
2006-yilda Samarqand viloyati Urgut tumanida tug‘ilgan. Denov tadbirkorlik va pedagogika instituti talabasi. Kompyuter texnologiyalari, sport, iqtisodiy mavzularda yozishni yoqtiradi. Muvaffaqiyatli shaxslar va huquqiy mavzularda maqolalari chop etilgan. Jonibek Juraqulov Qaynoq24.uz nashrining ma’sul jurnalisti ham hisoblanadi. Aloqa uchun: j.juraqulov@qaynoq24.uz
Sharhlar mavjud emas

Fikr bildirish

Email manzilingiz chop etilmaydi. Majburiy bandlar * bilan belgilangan

Qaynoq24 — Oʻzbekiston va dunyodagi eng soʻnggi yangiliklarni tezkor, ishonchli va xolisona tarzda taqdim etuvchi yangiliklar portali.