Huawei nova 16 smartfonlar oilasini namoyish qildi. Yangi seriyada to‘rtta model bor, deya xabar berdi Gizchina.
Ularning barchasi NearLink E2.0 texnologiyasini qo‘llab-quvvatlaydi. Bu texnologiya Huawei ekotizimidagi qurilmalar o‘rtasida tezroq aloqa o‘rnatishga yordam beradi. Kompaniya NearLink’ni faqat premium modellarda emas, butun seriyada taqdim etmoqda. Bu foydalanuvchilarga qimmat model tanlamasdan ham asosiy funksiyadan foydalanish imkonini beradi.
nova 16 seriyasining boshlang‘ich narxi 2 699 yuanni tashkil qiladi. Bu taxminan €324 ga teng. nova 16 Pro va nova 16 Ultra modellari stilus bilan ishlaydi. Bu funksiya yozuv yozish, chizish va surat tahrirlashda qulaylik beradi.
Huawei bu orqali smartfon, aksessuar va boshqa qurilmalar o‘rtasidagi bog‘liqlikni kuchaytirmoqchi. Kompaniya nova 16 seriyasini oddiy yangilanish emas, balki ekotizim strategiyasining bir qismi sifatida ko‘rmoqda.
Qaynoq24.uz Huawei Nova 16 va Nova 16z smartfonlari taqdim etilgani haqida yozgan edi.
