Qurbon hayiti munosabati bilan 27-may kuni Toshkent shahrida jamoat transporti odatdagidan erta ish boshlaydi. Bu haqda Toshkent shahar transport bosh boshqarmasi xabar berdi.
Ma’lum qilinishicha, shu kuni poytaxtdagi avtobuslar va metropoliten soat 04:00 dan harakatlanadi. Bu hayit namoziga boruvchi fuqarolarga qulaylik yaratish maqsadida tashkil etilmoqda.
Boshqarma aholi va poytaxt mehmonlaridan hayit namoziga borishda shaxsiy avtomobillardan ko‘ra jamoat transportidan foydalanishni so‘ramoqda. Bu yo‘llarda tirbandliklarning oldini olish va harakat xavfsizligini ta’minlashga yordam beradi.
Qaynoq24.uz Qurbon hayiti namozi qachon o‘qilishi haqida yozgan edi.
