22-may kuni O‘zbekistonda ob-havo o‘zgaruvchan bo‘lib, mamlakatning bir qator hududlarida yomg‘ir yog‘adi. Ayrim joylarda yog‘ingarchilik kuchli bo‘lishi mumkin. Tog‘ oldi va tog‘li hududlarda sel xavfi bor.
Toshkent shahrida havo o‘zgaruvchan bo‘ladi. Vaqti-vaqti bilan yomg‘ir yog‘adi. Momaqaldiroq bo‘lishi mumkin. Shamol g‘arbdan 3-8 m/s tezlikda esadi. Ayrim paytlarda 10-12 m/s gacha kuchayadi. Harorat kechasi 17-19 daraja, kunduzi 24-26 daraja bo‘ladi. Toshkent, Sirdaryo, Jizzax va Samarqand viloyatlarida yomg‘ir yog‘adi. Ayrim joylarda kuchli yog‘ingarchilik kuzatiladi. Momaqaldiroq bo‘lishi mumkin. Harorat kechasi 15-20 daraja, kunduzi 22-27 daraja atrofida bo‘ladi.
Buxoro va Navoiy viloyatlarida ham ba’zi joylarda yomg‘ir yog‘adi. Ayrim hududlarda yog‘ingarchilik kuchli bo‘lishi mumkin. Shamol 13-18 m/s gacha kuchayadi. Ayrim joylarda chang-to‘zon kuzatiladi.
Andijon, Namangan va Farg‘ona viloyatlarida ham yomg‘ir va momaqaldiroq kutilmoqda. Ba’zi joylarda yog‘ingarchilik kuchli bo‘ladi. Shamol kuchayishi va chang-to‘zon kuzatilishi mumkin. Harorat kechasi 15-20 daraja, kunduzi 25-30 daraja bo‘ladi. Qashqadaryo va Surxondaryo viloyatlarida ba’zi joylarda yomg‘ir yog‘adi. Momaqaldiroq bo‘lishi mumkin. Kunduzi harorat 28-33 darajagacha ko‘tariladi.
Qoraqalpog‘iston Respublikasi va Xorazm viloyatida yog‘ingarchilik kutilmaydi. Biroq shamol kuchayadi. Ayrim joylarda chang-to‘zon bo‘lishi mumkin. Harorat kunduzi 27-32 daraja bo‘ladi.
Respublikaning tog‘ oldi va tog‘li hududlarida yomg‘ir yog‘adi. Ayrim joylarda kuchli yog‘ingarchilik, momaqaldiroq va do‘l kuzatilishi mumkin. Sel-suv toshqin hodisalari yuzaga kelishi ehtimoli bor. Harorat kechasi 8-13 daraja, kunduzi 13-18 daraja bo‘ladi.
Qaynoq24.uz 21-may kuni O‘zbekistonda ob-havo qanday bo‘lishi haqida yozgan edi.
