Samarqand viloyatida noqonuniy kripto-mayning faoliyati bilan shug‘ullangan shaxs aniqlandi. Bu haqda Bosh prokuratura huzuridagi Departament ma’lum qildi.
Tekshiruv davomida fuqaro S.N. Samarqand shahri Mirzo Ulug‘bek ko‘chasidagi uy yerto‘lasida yashirin mayning ferma tashkil etgani ma’lum bo‘ldi. U yerda 5 to‘plamdan iborat kripto-aktivlar qazib olish uskunalari o‘rnatilgan. Ushbu qurilmalar umumiy elektr tarmog‘iga o‘zboshimchalik bilan ulangan.
Natijada jami 794,5 mln so‘mlik elektr energiyasi talon-toroj qilingan. Mazkur holat bo‘yicha Jinoyat kodeksining 169-moddasi va 278-9-moddasi bilan jinoyat ishi qo‘zg‘atildi. Hozirda tergov harakatlari olib borilmoqda.
Qaynoq24.uz Namanganda 920 mln so‘mlik noqonuniy tamaki to‘xtatilgani haqida yozgan edi.
