O‘zbekistonda 9-iyun kuni ob-havo asosan yog‘ingarchiliksiz bo‘ladi. Faqat Toshkent viloyati va Farg‘ona vodiysining ayrim hududlarida qisqa muddatli yomg‘ir yog‘ishi mumkin.
Sinoptiklarga ko‘ra, bu hududlarda momaqaldiroq kuzatilishi ehtimoli bor. Shamol 7-12 m/s tezlikda esadi. Ba’zi joylarda uning tezligi 13-18 m/s gacha kuchayadi.
Ayrim hududlarda shamol chang-to‘zonlar bilan kuzatilishi mumkin. Kunduzi havo harorati 30-35 daraja atrofida bo‘ladi. Toshkent shahrida ertalab qisqa muddatli yomg‘ir yog‘ishi mumkin. Kunduzi esa yog‘ingarchilik kutilmaydi. Shamol 3-8 m/s tezlikda esadi. Harorat 32-34 darajagacha ko‘tariladi.
Tog‘ oldi va tog‘li hududlarda ayrim joylarda yomg‘ir yog‘adi. Momaqaldiroq bo‘lishi mumkin. Sel-suv toshqin hodisalari yuzaga kelishi ehtimoli bor.
Bu hududlarda shamol 7-12 m/s tezlikda esadi. Momaqaldiroq paytida uning tezligi 13-18 m/s gacha kuchayishi mumkin. Harorat 22-27 daraja bo‘ladi.
Qaynoq24.uz O‘zbekiston Niderlandiyaga mag‘lub bo‘lgani haqida yozgan edi.
