Samsung Galaxy S26 Ultra smartfonining ommaviy ishlab chiqarilishi 2025-yil dekabr oyidayoq boshlanadi. Qolgan Galaxy S26 va S26+ modellarining ishlab chiqarilishi esa 2026-yil yanvariga rejalashtirilgan.
Rasmiy taqdimot qachon bo‘ladi?
Galaxy S26 seriyasining rasmiy taqdimoti 2026-yilning birinchi choragida, ehtimol fevral oyida AQShda bo‘lib o‘tadigan Samsung Unpacked tadbiri doirasida o‘tkazilishi kutilmoqda. Ultra modelining oldinroq ishlab chiqarilishi uning taqdimot kunidayoq yetarli miqdorda bozorga chiqarilishini ta’minlashga qaratilgan.
Murakkab texnologiyalar
Samsung‘ning Galaxy S26 Ultra’ni birinchi bo‘lib ishlab chiqarishga kirishishi bejiz emas. Model eng murakkab va zamonaviy texnologiyalar bilan jihozlanadi. U butun dunyo bo‘ylab faqat Qualcomm Snapdragon 8 Elite Gen 5 protsessori bilan sotiladi. Ushbu model uchun Exynos versiyasi rejalashtirilmagan.
Shuningdek, Galaxy S26 Ultra One UI 8.5 interfeysi va Android 16 operatsion tizimi bilan taqdim etiladi. Samsung mazkur model uchun 7 yil davomida tizim va xavfsizlik yangilanishlarini kafolatlamoqda, bu esa dasturiy ta’minotni sinchkovlik bilan optimallashtirishni talab qiladi.
Kamera: katta sakrash
Galaxy S26 Ultra’ning eng kuchli jihatlaridan biri — kamera tizimi bo‘ladi. Asosiy 200 megapikselli ISOCELL HP2 sensori saqlab qolinadi, biroq qo‘shimcha kameralar jiddiy yangilanadi.
Ultra keng burchakli kamera 50 MP sensor bilan jihozlanadi. Periskop kamera esa Sony IMX854 sensori asosida ishlab chiqilib, 5 karra optik zumni qo‘llab-quvvatlaydi. Shuningdek, 3 karra zumga ega telekamera va 12 MP old kamera ham saqlanadi.
Smartfon 8K video yozuv, kuchaytirilgan stabilizatsiya va sun’iy intellekt asosidagi tasvirni qayta ishlash texnologiyalarini qo‘llab-quvvatlaydi. Bu esa ayniqsa kam yorug‘lik sharoitida sifatli foto va video olish imkonini beradi.
Kuchli ishlash va xotira
Snapdragon 8 Elite Gen 5 protsessori 3 nanometrli texnologiya asosida ishlab chiqariladi. U Apple A19 Pro kabi raqib chiplar bilan solishtirilganda markaziy va neyron protsessor unumdorligini o‘rtacha 14 foizga oshirishi kutilmoqda.
Galaxy S26 Ultra global bozorda 12 GB tezkor xotira bilan taklif etiladi. Doimiy xotira hajmi 256 GB’dan boshlanib, 1 TB’gacha yetadi. UFS 4.0 texnologiyasi yuqori tezlikni ta’minlaydi.
Dizayn, ekran va batareya
Galaxy S26 Ultra 6,9 dyuymli QHD+ OLED M14 displey bilan jihozlanadi. Ekran yorqinligi 2600 nitgacha yetadi, yangilanish chastotasi esa 1–120 Gts oralig‘ida moslashadi.
Smartfon qalinligi 7,3 mm, vazni 214 gramm bo‘ladi. Batareya sig‘imi 5000 mA/soat, tezkor simli quvvatlash esa 60 vattgacha yetadi. Bu avvalgi modellarga nisbatan sezilarli yaxshilanish hisoblanadi.
Qaynoq24.uz Samsung Galaxy S25+ 150 dollar arzonlashgani haqida yozgan edi.
Gap yo’q shunaqa o’zgarishlar bo’lsa yaxshi bo’lardi s 26da. Juda ko’pchilik Exynos2600 protsessorini o’rnatilishini aytyapti .Ammo bu protsessor avvalgi s seriyalaridan birida qo’llanilingan va yaxshi foyda bermagan ekan !