Smartfon bozori bugun shunchalik kengki, har bir narx segmentida o‘ziga yarasha kuchli variant topish mumkin. Ayniqsa 2025-yilda budjet qurilmalar yanada jiddiy raqobatga kirdi — yaxshi kamera, katta batareya, tezkor ekran va NFC endi faqat flagmanlarga xos emas. Quyida kundalik foydalanish uchun yetarlicha kuchli, eng yaxshi hamyonbop 3 ta smartfon haqida so‘z yuritamiz.
iQOO Z10 Lite
Ushbu smartfon byudjet segmenti uchun juda jozibador imkoniyatlarni taklif etadi. Qurilma tomoqqa suv tushsa ham tashvishlanmaslikka sabab bo‘ladigan IP69 va MIL-STD-810H himoyasiga ega — bu odatda qimmat modellar darajasi. 6,67 dyuymli 120 Hz AMOLED displey, yuqori yorqinlik va rang aniqligi multimedia tomosha qilish, ijtimoiy tarmoqlar yoki o‘yinlar uchun qulay muhit yaratadi.
Snapdragon 685 protsessori tizimni barqaror ishlatadi, oddiy va o‘rta grafikali o‘yinlarni muammosiz qayta ishlaydi. Eng katta ustunlik – 6000 mA·soat sig‘imli akkumulyator. Kundalik ishlatishda bir yarim kungacha quvvat yetadi, tezkor zaryadlash esa vaqtingizni tejaydi. Qurilmada 50 MP asosiy kamera, stereodinamiklar va NFC mavjud — bu narx toifasi uchun katta plus.
Honor X7d
Honor X7d byudjet segmentida eng muvozanatli tanlovlardan biri. Katta 6,77 dyuymli 120 Hz IPS displey kundalik ishlatishda ko‘zga yoqimli tasvir beradi. Snapdragon 685 protsessori imkoniyat jihatdan ijtimoiy tarmoqlar, filmlar tomosha qilish va o‘rtacha darajada o‘yinlar uchun yetarli.
Ushbu modelning eng asosiy kuchli tomoni — 6500 mA·soat sig‘imli gigant batareya. O‘rtacha foydalanishda bir necha kun quvvat yetadi, bu esa ko‘p foydalanuvchilar uchun eng muhim ustunliklardan. 108 MP asosiy kamera yaxshi yorug‘likda ravshan suratlar beradi, NFC va tez zaryadlash mavjudligi esa kundalik qulaylikni ta’minlaydi. Byudjet uchun juda yaxshi formulaning o‘zi.
Xiaomi Poco M7 4G
Poco seriyasi odatda narxiga nisbatan kuchli imkoniyat taklif qiladi. M7 4G ham istisno emas. Bu modelda 6,9 dyuymli katta 144 Hz displey joylashgan — yangilanma tezligi yuqori bo‘lgani sababli interfeys juda silliq ko‘rinadi. Kun yorug‘ida ham ekran yetarli ravshanlik beradi, bu tashqarida foydalanishni osonlashtiradi.
Snapdragon 685 bu yerda ham o‘z vazifasini bajaradi: ilovalar tez ochiladi, o‘yinlar o‘rtacha sozlamalarda bemalol ishlaydi. Eng qiziqarli jihati — 7000 mA·soatlik ulkan batareya. Ikki-uch kun davomida zaryadlashni unutish mumkin. Kamera konfiguratsiyasi 50 MP asosiy modulga tayangan bo‘lib, amaliy suratlar olish uchun yetarli. Infraqizil port, NFC, gibrid SIM sloti kabi qulayliklar uni yanada foydali qiladi.
Qaynoq24.uz eng omadsiz Samsung smartfonlari haqida yozgan edi.
