2026-yilga kelib smartfon bozori texnologik jihatdan yangi bosqichga chiqdi. Qatlanadigan qurilmalar, sun’iy intellektga asoslangan funksiyalar, professional darajadagi kameralar va rekord sig‘imli batareyalar endi alohida innovatsiya emas, balki flagmanlar uchun me’yoriy ko‘rsatkichga aylanmoqda. Quyida 2026-yilda eng ko‘p e’tibor qozongan va eng hayratlanarli smartfonlar jamlandi.
Google Pixel 10 Pro XL
Google’ning ushbu flagmani mobil fotografiya va dasturiy tajriba bo‘yicha yetakchilikni saqlab qolmoqda. 6,8 dyuymli OLED displey va yangi Tensor chipi qurilmaning tezkorligini ta’minlaydi. Pixel 10 Pro XL ayniqsa “point-and-shoot” kamerasi bilan ajralib turadi — oddiy suratlar ham yuqori sifatda chiqadi. Qi2 magnitli simsiz zaryadlash, PixelSnap aksessuarlari va 45 Vt simli quvvatlash kundalik foydalanishni ancha qulay qiladi. Android 16 va yetti yillik yangilanish kafolati bu modelni uzoq muddatli tanlovga aylantiradi.
Samsung Galaxy S25 Ultra
Samsung‘ning eng yuqori darajadagi smartfoni katta 6,9 dyuymli AMOLED displey, 120 Hz yangilanish tezligi va mukammal aksga qarshi qoplama bilan taqdim etilgan. Galaxy S25 Ultra kuchli protsessor, yangilangan kamera tizimi va One UI 8 interfeysiga integratsiyalashgan AI funksiyalar bilan jihozlangan. S Pen qo‘llab-quvvatlovi va yetti yillik yangilanish siyosati uni professional foydalanuvchilar uchun jozibador qiladi. Og‘irligi va narxi yuqori bo‘lsa-da, imkoniyatlari bo‘yicha bozordagi eng kuchli modellardan biri hisoblanadi.
iPhone 17
iPhone 17 Apple’ning muvozanatli va ishonchli modeli sifatida ajralib turadi. A17 Pro chipi, sifatli OLED displey va ikki baravar oshirilgan xotira hajmi kundalik foydalanishda qulaylik yaratadi. Batareya samaradorligi yaxshilangan, zaryadlash tezligi ham optimallashtirilgan. Kamera ijtimoiy tarmoqlar uchun qulay funksiyalarni taklif etadi. Apple Intelligence imkoniyatlari ayrim raqobatchilardan ortda qolayotgan bo‘lsa-da, iPhone 17 barqarorlik va uzoq muddatli qo‘llab-quvvatlashni qadrlaydigan foydalanuvchilar uchun dolzarb tanlov bo‘lib qolmoqda.
OnePlus 15
OnePlus 15 unumdorlik bo‘yicha 2026-yilning eng kuchli Android-smartfonlaridan biri sifatida e’tirof etiladi. Snapdragon 8 Elite Gen 5 chipi va 7300 mA/soat sig‘imli batareya ikki kungacha ishlash imkonini beradi. 120 Vt simli va 50 Vt simsiz zaryadlash juda tez quvvat to‘plashni ta’minlaydi. 165 Hz OLED displey va OxygenOS 16 interfeysi silliq ishlashni taklif qiladi. Kamera jihatidan u mutlaq yetakchi bo‘lmasa-da, narx va quvvat nisbatida eng kuchli modellar qatorida turadi.
Xiaomi 15 Ultra
Xiaomi 15 Ultra fotografiya va videoga qiziqqan foydalanuvchilar uchun mo‘ljallangan. To‘rtta kamera, jumladan 200 MP periskop telefoto moduli uzoq masofadan ham yuqori sifatli suratga olish imkonini beradi. Photography Kit aksessuari bilan u deyarli professional kamera darajasiga chiqadi. 6,7 dyuymli OLED displey, kuchli protsessor va 90 Vt tezkor zaryadlashni qo‘llab-quvvatlovchi batareya bu modelni multimedia ixlosmandlari orasida mashhur qilgan.
Oppo Find X9 Pro
Oppo Find X9 Pro katta batareya va mukammal kamera tizimi bilan ajralib turadi. Hasselblad bilan hamkorlikda yaratilgan uchta 50 MP kamera turli sharoitlarda barqaror natija beradi. 7500 mA/soat sig‘imli batareya smartfonni ikki kungacha zaryadsiz ishlatish imkonini beradi. MediaTek Dimensity 9500 chipi yuqori unumdorlikni ta’minlab, Find X9 Pro‘ni 2026-yilning eng muvozanatli flagmanlaridan biriga aylantiradi.
Samsung Galaxy Z Fold 7
Galaxy Z Fold 7 katlanadigan smartfonlar segmentida yangi standartlarni belgiladi. Atigi 8,9 mm qalinlik va 215 gramm vazn qurilmani yanada qulay qilgan. 6,5 dyuymli tashqi va 8 dyuymli ichki ekran multitasking va media iste’moli uchun keng imkoniyat yaratadi. 200 MP asosiy kamera, kuchli Snapdragon 8 Elite Gen 5 chipi va yetti yillik yangilanish siyosati Fold 7’ni innovatsiyalarni xohlaydigan foydalanuvchilar uchun ideal tanlovga aylantirmoqda.
Qaynoq24.uz eng yaxshi Xitoy smartfonlari haqida yozgan edi.
