Samsung kompaniyasining yangi Samsung Galaxy S26 FE smartfoni avvalgi avlod modelidan qimmatroq bo‘lishi kutilmoqda. Dealabs ma’lumotlariga ko‘ra, qurilma 1-sentabr kuni sotuvga chiqarilishi mumkin.
Smartfonning 8 GB tezkor va 128 GB ichki xotiraga ega boshlang‘ich versiyasi 800 yevroga baholanishi aytilmoqda. 256 GB xotirali model 900 yevro, 512 GB xotirali variant esa 1,1 ming yevro turishi mumkin.
Bu Galaxy S25 FE narxiga nisbatan 50–170 yevroga qimmatroq. Shunga qaramay, Samsung yangi modelning boshlang‘ich versiyasida 8 GB tezkor va 128 GB ichki xotirani saqlab qolishi kutilmoqda.
Galaxy S26 FE kamida uchta rangda taqdim etilishi mumkin. Hozircha grafit va feruza ranglari haqida ma’lumot bor. Uchinchi rang ko‘k yoki binafsha tusda bo‘lishi taxmin qilinmoqda.
Sizib chiqqan ma’lumotlarga ko‘ra, smartfon Samsung Exynos 2500 protsessori asosida ishlaydi. Kompaniya hozircha qurilmaning xususiyatlari, narxi va taqdimot sanasini rasman tasdiqlamagan.
Qaynoq24.uz Samsung Galaxy S27 Ultra narxi yana oshishi mumkinligi haqida yozgan edi.
