2026-yilning yanvar–fevral oylarida O‘zbekiston Respublikasining import hajmi 8,1 mlrd dollarni tashkil etdi. Bu o‘tgan yilning mos davriga nisbatan 29,8% ga ko‘p.
Milliy statistika qo‘mitasi ma’lumotlariga ko‘ra, mamlakat ushbu davrda 135 dan ortiq davlatdan tovar va xizmatlar olib kirgan. Bu tashqi savdo aloqalarining kengayib borayotganini ko‘rsatadi.
Import tarkibida Xitoy yetakchilik qilmoqda. Ikki oy ichida ushbu davlatdan 2,8 mlrd dollarlik mahsulot keltirilgan. Ikkinchi o‘rinda Rossiya turibdi, uning ulushi 1,4 mlrd dollarni tashkil etdi. Keyingi o‘rinlarda Qozog‘iston, Koreya Respublikasi va Turkiya joylashgan. Bu davlatlardan mos ravishda 677 mln, 306,1 mln va 259,8 mln dollarlik import amalga oshirilgan.
Shuningdek, Germaniya va Hindiston ham yetakchi hamkorlar qatoridan joy olgan. Belarus, Turkmaniston va AQSh esa TOP-10 ro‘yxatini yakunlagan.
Qaynoq24.uz O‘zbekistonda ko‘chmas mulk xizmatlari hajmi 4,3 trln so‘mga yetgani haqida yozgan edi.
