O‘zbekistonda iqtisodiy o‘sish yuqori sur’atda davom etmoqda. 2026-yilning birinchi choragida mamlakat yalpi ichki mahsuloti (YAIM) sezilarli darajada oshdi.
Milliy statistika qo‘mitasining dastlabki ma’lumotlariga ko‘ra, yanvar–mart oylarida YAIM hajmi joriy narxlarda 447,9 trln so‘mni tashkil etdi. Real o‘sish sur’ati esa o‘tgan yilning shu davriga nisbatan 8,7 foizga yetdi. Bu mamlakat iqtisodiyotida barqaror ijobiy dinamika saqlanayotganini ko‘rsatadi.
So‘nggi yillarda YAIM hajmi izchil oshib bormoqda. 2022-yilda bu ko‘rsatkich 186,7 trln so‘mni tashkil etgan edi. 2023-yilda 228,9 trln so‘mga yetdi. 2024-yilda 276,9 trln so‘mga ko‘tarildi. 2025-yilda esa 372,8 trln so‘m qayd etilgan.
2026-yilda esa ushbu ko‘rsatkich ilk chorakdayoq 447,9 trln so‘mga yetib, o‘sish sur’atlari tezlashganini ko‘rsatmoqda. Iqtisodiy faollikning oshishi, investitsiyalar hajmining kengayishi va ishlab chiqarishning ko‘payishi bu natijalarga ijobiy ta’sir qilmoqda.
Qaynoq24.uz 2025-yilda O‘zbekistonda YAIM 7,7 foizga oshgani haqida yozgan edi.
