Prezident Administratsiyasi rahbari Saida Mirziyoyeva Londonda AQSh prezidentining Janubiy va Markaziy Osiyo bo‘yicha maxsus vakili Serjio Gor bilan uchrashdi. Bu haqda Saida Mirziyoyeva o‘z Telegram kanalida ma’lum qildi.
Uchrashuv Londonda bo‘lib o‘tdi. Mirziyoyevaning qayd etishicha, Serjio Gorning birja savdolari ochilish marosimida qatnashgani va qo‘llab-quvvatlagani O‘zbekiston tomoni uchun alohida ahamiyatga ega bo‘lgan.
Muloqot davomida tomonlar O‘zbekiston va AQSh o‘rtasidagi aloqalarni yanada mustahkamlash masalasini muhokama qildi.
Shuningdek, kelgusi hamkorlik yo‘nalishlari va amalga oshiriladigan aniq qadamlar yuzasidan kelishuvlarga erishilgan.
Serjio Gor AQSh prezidentining Janubiy va Markaziy Osiyo bo‘yicha maxsus vakili sifatida faoliyat yuritadi. U avval ham O‘zbekiston bilan iqtisodiy va investitsiyaviy aloqalarni rivojlantirishga oid uchrashuvlarda qatnashgan.
Ma’lumot uchun 39 yoshli Gor Toshkentda tug‘ilgan. Ammo u ancha payt o‘zining kelib chiqishini oshkor qilmagan. Shu sababdan tug‘ilgan joyi ommaviy axborot vositalarida mish-mishlarga sabab bo‘lgan.
Qaynoq24.uz Saida Mirziyoyeva “Fashion Trust Arabia” jamg‘armasiga tashrif buyurgani haqida yozgan edi.
