Samung Galaxy M47 smartfoni sotib olishga arziydimi

Samsung kompaniyasi tomonidan Hindiston bozorida yangi Samung Galaxy M47 smartfoni taqdim etildi. Bu haqda Sammobile nashri xabar bermoqda.

Amazon India’dagi Galaxy M47 sahifasida smartfon uch xil xotira variantida taklif etilishi ko‘rsatilgan. Amazon Prime Day Sale davrida ushbu smartfonlarga 2000 rupiy chegirma qo‘llanadi.

Galaxy M47 Samsung‘ning Hindistonda so‘nggi kunlarda taqdim etgan yagona yangi modeli emas. Kompaniya bundan oldin ushbu bozorda Galaxy A27 smartfonini ham chiqargan edi.

Yangi Galaxy M47 Samsung kompaniyasining M seriyasidagi navbatdagi o‘rta segment modeli sifatida joylashmoqda. Narxlar va chegirmalar hisobga olinganda, smartfon Hindiston bozorida katta akkumulyatorli va nisbatan arzon Galaxy qurilmasini izlayotgan xaridorlar uchun mo‘ljallangan takliflardan biri bo‘lishi mumkin.

Galaxy M47 5G orqa tomonda uchta kamerali modul bilan jihozlangan. Asosiy kamera 50 megapikselli bo‘lib, optik stabilizatsiyani qo‘llab-quvvatlaydi. U kundalik suratlar, harakatdagi kadrlar va past yorug‘likdagi tasvirlarni aniqroq olishga xizmat qiladi.

Smartfonda 5 megapikselli ultra keng burchakli kamera ham mavjud. Bu kamera keng manzaralar, guruh suratlari yoki katta obyektlarni bir kadrga sig‘dirish uchun mo‘ljallangan. Bundan tashqari, qurilmada 2 megapikselli makro kamera o‘rnatilgan bo‘lib, u mayda detal va yaqin masofadagi obyektlarni suratga olish imkonini beradi.

Old tomonda esa 12 megapikselli HDR selfi kamera joylashgan. U videoqo‘ng‘iroqlar, selfi suratlar va yorug‘lik murakkab bo‘lgan sharoitlarda yuz detallarini yaxshiroq aks ettirish uchun ishlatiladi. Umuman olganda, Galaxy M47 5G kamera tizimi asosiy suratga olish, keng burchakli kadrlar, makro suratlar va selfi uchun alohida modullarni taklif qiladi.