Texnikumlar va akademik litseylar faoliyatini baholash uchun milliy reyting tizimi joriy qilindi. Eng yaxshi 50 ta texnikum 1,2 mlrd so‘mgacha rag‘batlantirilishi mumkin.
Adliya vazirligi tegishli tartibni davlat ro‘yxatidan o‘tkazdi. Hujjat 15-aprel kuni 3816-raqam bilan tasdiqlandi. Milliy reytingni Ta’lim sifatini ta’minlash agentligi alohida yuritadi. Reyting ma’lumotlari vazirlik va idoralar tizimlari, ta’lim muassasalari hujjatlari hamda umumiy so‘rovnoma natijalariga asoslanadi.
Har yili 30-maygacha o‘quvchilar, pedagoglar va ish beruvchilar o‘rtasida so‘rovnoma o‘tkaziladi. Reyting natijalari esa 10-oktabrgacha e’lon qilinadi.
Reytingda eng yuqori o‘rinlarni egallagan 50 ta texnikum bazaviy hisoblash miqdorining 3 ming baravarigacha mablag‘ oladi. Ushbu mablag‘ning 80 foizi moddiy-texnika bazasini mustahkamlashga yo‘naltiriladi. Qolgan 20 foizi rahbar va xodimlarni rag‘batlantirishga sarflanadi.
Qaynoq24.uz kommunal qarzdorlik yo‘qligi haqida ma’lumotnoma tartibi tasdiqlangani haqida yozgan edi.
