Toshkent shahrida odam savdosi bilan bog‘liq jinoyat aniqlandi. Bu haqda Davlat xavfsizlik xizmati ma’lum qildi.
Ma’lumotlarga ko‘ra, Toshkent viloyati Yangiyo‘l shahrida yashovchi 1982 yilda tug‘ilgan ayol Chinoz tumanida istiqomat qiluvchi 2000-yilda tug‘ilgan qizni xorijga olib chiqib, jinsiy foydalanishni rejalashtirgan.
U o‘z rejasini amalga oshirish uchun jabrlanuvchiga aviachipta olib bergan. Shuningdek, kelgusida ishlab topadigan mablag‘ining yarmini doimiy ravishda berib borishini talab qilgan. Tezkor tadbir davomida gumonlanuvchi ayol jabrlanuvchi bilan birga Toshkent xalqaro aeroportidan Istanbulga uchib ketmoqchi bo‘lgan paytda to‘xtatildi.
Hozirda unga nisbatan Jinoyat kodeksining 135-moddasi bo‘yicha jinoyat ishi qo‘zg‘atilgan. Tergov harakatlari olib borilmoqda.
Qaynoq24.uz Samarqandda noqonuniy oltin qazib olish holati fosh etilgani haqida yozgan edi.
