Hukumat qarori bilan tadbirkorlar uchun imtiyoz va preferensiyalar yagona reestrini yuritish tartibi belgilandi. Bu haqda Adliya vazirligi xabar berdi.
Qarorga ko‘ra, reestr Yagona interaktiv davlat xizmatlari portali orqali yuritiladi. Imtiyozlar haqidagi ma’lumotlar Iqtisodiyot va moliya vazirligining subsidiya platformasida shakllantiriladi.
Davlat organlari o‘ziga tegishli imtiyozlarni reestrga joylashtiradi. Unda imtiyoz nomi, hujjati, muddati va qamrovi ko‘rsatiladi. Shuningdek, imtiyoz beriladigan sohalar va undan foydalanuvchi toifalar ham ochiq e’lon qilinadi.
Reestrga kiritilgan ma’lumotlar to‘liq va ishonchli bo‘lishi shart.
Qaynoq24.uz tadbirkorlikka noqonuniy aralashuvlar cheklanishi haqida yozgan edi.
