Kongo Demokratik Respublikasida Ebola bilan kasallanish holatlari soni 1502 taga yetdi. Reuters xabariga ko‘ra, mamlakat hukumati e’lon qilgan ma’lumotlarda 473 ta o‘lim holati qayd etilgan.
Tasdiqlangan holatlar mamlakat sharqidagi Ituri, Shimoliy Kivu va Janubiy Kivu provinsiyalarida aniqlangan. Ushbu hududlarda sog‘liqni saqlash xodimlari kasallik tarqalishini jilovlash uchun choralarni kuchaytirmoqda.
Avvalroq Kongoda Bundibugyo shtammiga mansub kasallik tarqalishi qayd etilgani xabar qilingan edi. May oyida Ituri provinsiyasidagi Bunia shahri yaqinidagi Rvampara hududida tibbiyot xodimlari yangi o‘choqni nazoratga olishga urinayotgani aytilgan.
Reuters ma’lumotida holatlar mamlakatning sharqiy provinsiyalarida to‘plangani qayd etilgan. kasallik yuqori o‘lim xavfiga ega virusli kasallik bo‘lib, bemorlar bilan bevosita aloqa yoki biologik suyuqliklar orqali yuqishi mumkin. Shu sababli kasallik aniqlangan hududlarda izolyatsiya, kontaktlarni kuzatish va tibbiy nazorat asosiy choralar sifatida qo‘llanadi.
Qaynoq24.uz Kongoda Ebola qurbonlari soni 300 nafardan oshgani haqida yozgan edi.
